(للشباب فقط) ازاى تكلم بنت انت معجب بيها !
زى اى شاب مصرى او عربى
عندنا فى مجتمعنا فكرة انك تتعرف على بنت من اول مقابله فكره صعبه شويه
وده راجع لسببين
الاول هو (ــــــــــــ تحذيرــــــــــــ البنت المصريه وثقتها الزائده فى نفسها)
الثانى(ارتباك الشاب المصرى او ــــــــ تحذيرـــــــــ اى ان نادر ان تجد شاب معتدل)
فالبنت من اول كلام ليها مع الشاب بتبدأ تحكم عليه بانه (لخمه) او بانه (صايع)
وتبدأ تتعامل معاه على اساس شخصيته
ولكن ده مش موضوعنا الاهم بالنسبه لك كـ شاب هو ازاى تتعرف عليها اصلا
اولا تبدأ تراقبها من 3 الى 4 ايام
1- ايه الاماكن الى بتروحها يوميا ؟
2- فى كلية ايه او حتى مدرسه؟
3- مين اخوتها خاصا الاولاد؟ علشان لو ليها اخ (صحته حلوه شويه) تبدأ تفكر فى واحده غيرها من البدايه
4- تتعرف على ولاد حتتها وجيرانها البرمجيه منهم فقط عشان دول اللى هيجبولك قرارها
5- وده الاهم تقلب الدنيا على رقم تليفونها وياحبذا لو كانت موبينيل سعر الدقيقه فيها 20 قرش عشان توفر يعنى وتبدأ بقى مع رحلة المسدات والمسدجات الرقيقه بس ركز على المسدجات الرقيقه اللى فيها كلام الاعجاب زى (انت احلى واحده خلقها ربنا على وجه الارض) (انتى اللى انا بحلم بيها ) الخ ثم تقطع المسدات والمسدجات لمدة اسبوع كامل (التقل صنعه) ثالثا تكلمها بقى مكالمه من امو 20 قرش و تفهمها انك بقالك اسبوع ما بتنامش عشان بتفكر فيها ونفسك تتعرف عليها ومش قادر وده لانك طبعا انسان خجول و عاطفى (ـــــــــــــــــــ تحذيرـــــــــــــــــــــ) ونفسك تقابلها ولو مره قبل اما تموت وده طبعا لانك مش هتعوز حاجه من الدنيا بعد اما تشوفها واستمرارية الحياه عندك هتبقى تحصيل حاصل الا اذا انعمت عليك بمقابله تانيه وتستمر كده فى الكلام معاها لحد اما تاخد المعاد رابعا ازاى تحضر للقاء او المقابله يعنى طبعا بعد اما تلبس الحته اللى على الحبل و تحط كل محتويات زجاجة البرفيوم عليك حلوه زجاجه دى لزوم اللغه العربيه الفصحى ماانت لازم تتدرب على الكلام المحترم قبل اما تروحلها عشان ما تعكش وطبعا لو عدة موبايلك اى كلام هتاخد عدة اخوك حلاوه او عدة صاحبك ميشو وتنطلق الى النادى او المدرسه او الكليه او اى مكان عام حددتوا فيه اللقاء خامسا اعرف ان الدخله الاولنيه بتحدد كل شىء فخش بثقه وتناكه مالهمش حدود وسلم عليها بطرف ايدك وانت بتقولها (هاى ازيك اتفضلى اقعدى تشربى ايه بس ما تتطلبيش حاجه غاليه ههههه عشان تضحكلك وضحكت يعنى قلبها مال وخلاص الفرق ما بينكوا اتشال على راى الهضبه عمرو دياب) ابدأ كلمها عن نفسك ايجابياتك بس وابدأ قولها ان هى احد احلامك التى لا تفارقكك بالنوم او اليقظه والكلام بيجيب كلام والعزول يعمل حسابه يعنى هى لو جايبه معاها صاحبتها لازم تفهمها انها تستحمل شويه وقبل انتهاء اللقاء بدقائق اديها حاجه للذكرى وياريت لو سلسله قلب مقسوم حرفين اول حرف من اسمك واسمها
وادعييييييييييييلى
موضوع: (للشباب فقط) ازاى تكلم بنت انت معجب بيها ! 
الأحد 26 ديسمبر - 19:08
