ايمى
ـــــــــــــــــــــــــــــ
مشاركاتى : 681
عمرى : 30
 
 |  موضوع: ملف كامل عن: لفات الحجاب - احدث لفات الطرح - نصائح ولفات تجنن  الثلاثاء 6 يوليو - 17:43 | |
| أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح
البديل
للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال
ربطات
على هيئة تسريحة شعر "ضفيرة وكحكة"، وأما الأقمشة (دي فيها كلام كتير) "تل" و"شيفون"
"وترتر"،
الصبح والضهر وفي كل وقت...
المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو
"ستايل"
على الموضة ومش "مبهرج" ولافت للنظر لدرجة تثير انتقاد الآخرين.. نصائح ذهبية لكل بنت محجبة ازاي تتعامل صح مع الحجاب..
ألوان الموضة في الإيشاربات ؟
لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز,
الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان
الجديدة
وتداخلها بيعطي نتيجة حلوه جداً..
هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟ لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة
السمراء
أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر
جداً"
ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع
المكياج،
كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون
مناسبة
ولا تعطي نتيجة عكسية
ازاي تختاري خامة أو قماش الإيشارب صح؟
نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها
حتى
لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة"..
ابعدي
عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير
،
الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن
الإيشارب
مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي
الإيشارب
وهتركنيه على جنب بعد ما غرمتي ثمنه.
نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها
مش
مبهدل؟
تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار،
فالأقطان
فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون
في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار
الإيشاربات
الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد
في كل مرة.
والتطريز البسيط يعطى جمال ورقة أفكار لحجاب ممكن يناسب لفترة بعد الظهر أو بالليل؟
ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار
مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس
محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً
المناسب للمكان.
ازاي البنت المحجبة تختار الربطة المناسبة لشكلها؟
لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون
مرتاحة
ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول
هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها
مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع
ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان
تلم شعرهاكويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك
الشعر كله وتختار ربطة
سهلة.
الربطة "الإسبانيش" موضة جداً، ازاي نربطها "صح" خطوة خطوة....؟
أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني
محروق
تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا
كويس
جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده
نبين
جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني
والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي
الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على
كتفك على حسب ذوق وشكل وجهك.
واليك بالصورة كيفيه ربطها نصيحتى للف الطرح التقليدية؟
لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس
مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في
الأول.. كفاية لفة بسيطة.
ولو عاوزة تدخل ألوان في اللفة التقليدية؟
زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند
الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في
اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس
للتثبيت. ممكن تلبس "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة.. ممكن
تستخدمي "اسبراي نشا مخصوص للمكوى"، عشان تنشي الطرحة.
إيه رأيك في إضافة الضفيرة من قماش وعمل "الكحكة" بالربطة "الإسبانيش"؟ بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة في
نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجة
دي أكيد هتبتكري في الربطات أكثر نصيحتى للعروسة المحجبة؟
تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر ازاي يكون شكلها
مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد
يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جديدة. | |
|
ايمى
ـــــــــــــــــــــــــــــ
مشاركاتى : 681
عمرى : 30
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الثلاثاء 6 يوليو - 17:45 | |
| | |
|
ايمى
ـــــــــــــــــــــــــــــ
مشاركاتى : 681
عمرى : 30
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الثلاثاء 6 يوليو - 17:48 | |
| دي مجموعة من الربطات الإسبانش
للبنات اللي بتحب إنها تلبس إسبانش بس في نفس الوقت بتحب الطرحة تكون
مغطية منطقة الرقبة.. وعلى فكرة مجموعة الربطات دي بسيطة جدا وسهلة في
التنفيذ بس أنتِ امشي واحدة واحدة زي ما إحنا هنقولك ولو أول مرة ما طلعتش
الربطة مضبوطة معاكي جربي تاني وإن شاء الله هتطلع معاكي مضبوطة وزي الفل.. الربطة الأولى 1- هتجيبي بندانة قطن وتلبسيها بعد كده هتجيبي إيشارب طويل وتحطيه في منتصف رأسك... [ندعوك للتسجيل في المنتدى أو التعريف بنفسك لمعاينة هذه الصورة]لفات حجاب سنه 2009 2- هتجيبي دبابيس علشان تثبتي الإيشارب في منتصف رأسك...
هتجيبي أحد أطراف الإيشارب وتلفيه حوالين رقبتك وتثبتي طرف الإيشارب بدبوس
على أحد الأجناب. [ندعوك للتسجيل في المنتدى أو التعريف بنفسك لمعاينة هذه الصورة]ده الشكل النهائي اللي هتلاقيه في النهاية[ندعوك للتسجيل في المنتدى أو التعريف بنفسك لمعاينة هذه الصورة]اجمل لفات للحجاب الربطة التانية الربطة التانية 1- هتجيبي إيشارب طويل وتربطيه كويس من الخلف وياريت الربطة دي تكون حوالين كحكة شعرك... هتجيبي الإيشارب التاني وتحطيه من قدام بطريقة مائلة بحيث إن جزء من الإيشارب الأولاني يبان وتربطيه من الخلف.. [ندعوك للتسجيل في المنتدى أو التعريف بنفسك لمعاينة هذه الصورة] 2- هتلفي أحد أطراف الإيشارب الأول حوالين كحكة شعرك مرة
واحدة وتثبتي الطرف ده بالدبابيس كويس وتسيبي الطرف التاني علشان تعملي
بيه ضفيرة... هتجيبي أحد أطراف الإيشارب الثاني وتلفيه حوالين رقبتك
وتثبتيه بدبوس من على الجنب. [ندعوك للتسجيل في المنتدى أو التعريف بنفسك لمعاينة هذه الصورة]لفات حجاب موضة 2008 3- هتمسكي الطرف الثاني من كل إيشارب وتضفريهم مع بعض.. وتسيبي الضفيرة دي على ظهرك أو على كتفك..على فكرة ممكن تبتكري حاجات تانية في اللفة دي زي مثلا إنك
تحطي الإيشارب التاني بشكل ثابت على رأسك مش مائل بحيث إن جزء بسيط من
الإيشارب الأولاني يبان. [ندعوك للتسجيل في المنتدى أو التعريف بنفسك لمعاينة هذه الصورة]ده الشكل النهائي اللي هتلاقيه في النهاية[ندعوك للتسجيل في المنتدى أو التعريف بنفسك لمعاينة هذه الصورة] الربطة الثالثة - هتربطي شعرك بالإيشارب من الخلف.. هتجيبي إيشارب تاني
يكون لونه مناسب للون الإيشارب الأولاني وتحطيه في منتصف رأسك وتربطيه هو
كمان من الخلف. [ندعوك للتسجيل في المنتدى أو التعريف بنفسك لمعاينة هذه الصورة]لفات حجاب خصيصا للجلباب 2- هتبدئي في إنك تلفي الإيشارب التاني حوالين كحكة شعرك وتثبتي اللفة دي بالدبابيس. [ندعوك للتسجيل في المنتدى أو التعريف بنفسك لمعاينة هذه الصورة]3- هتجيبي أطراف الإيشارب الأولاني وتربطيه حوالين رقبتك
من الأمام.. على فكرة بالشكل ده ممكن تستغني عن الكوفيه الصوف اللي ممكن
تلبسيها في الشتاء.[ندعوك للتسجيل في المنتدى أو التعريف بنفسك لمعاينة هذه الصورة]ده الشكل النهائي اللي هتلاقيه في النهاية[ندعوك للتسجيل في المنتدى أو التعريف بنفسك لمعاينة هذه الصورة] ودول صور على الماشى | |
|
ايمى
ـــــــــــــــــــــــــــــ
مشاركاتى : 681
عمرى : 30
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الثلاثاء 6 يوليو - 17:50 | |
| | |
|
ايمى
ـــــــــــــــــــــــــــــ
مشاركاتى : 681
عمرى : 30
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الثلاثاء 6 يوليو - 17:55 | |
| | |
|
bosy cat
.
مشاركاتى : 418
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الأربعاء 7 يوليو - 1:44 | |
| بجد موضوع مميز وجميل
تسلم ايديكى عليه يا ايمى
منتظره منك الموضوعات الجميله دى يا قمرى
| |
|
ايمى
ـــــــــــــــــــــــــــــ
مشاركاتى : 681
عمرى : 30
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الأربعاء 7 يوليو - 9:23 | |
| | |
|
hakim
-
مشاركاتى : 1008
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الإثنين 12 يوليو - 21:34 | |
| | |
|
ايمى
ـــــــــــــــــــــــــــــ
مشاركاتى : 681
عمرى : 30
| | موضوع: رد: ملف كامل عن: لفات الحجاب - احدث لفات الطرح - نصائح ولفات تجنن الخميس 19 أغسطس - 10:28 | |
| | |
|
